• 首页
  • 即时比分
  • 篮球NBA
  • 国际足球
  • 中国足球
  • 综合体育
  • 彩票中心
  • 赛事分析
  • 报纸波经
  • 世界杯
  • 球坛百科
  • 首页 > 报纸波经 > 东方日报 >

    皇马热刺榜首大战

    时间:2017-10-17 09:00来源:网络整理
    C朗哈利仔神锋对决
    欧联新旧神锋大战一触即发,哈利卡尼C朗正面交锋势要一决雌雄!周三凌晨欧联再开,H组卫冕嘅皇家马德里坐镇主场,迎战热刺。两队现时同积6分列榜首两席,面对晋级直接竞争对手,取胜将会令球队稳佔首名有利位置,为抢宝贵3分,两队前锋肯定争唔会手软,3.5球嘅入球大系不二之选。
    (有线61及201台周三凌晨2时45分直播)
    连续两季都攞英超神射手嘅热刺射手哈利卡尼,近四仗作客带领球队赢波之馀,个人仲场场入2球或以上,今季仲将好脚风带到欧联,暂时以5个入球力压C朗暂时排欧联射手榜第1,佢咁弗,连热刺领队普捷天奴都直接大讚哈利卡尼同C朗系同级数,呢位英格兰前锋咁后生,日后肯定大把世界,不过想成为欧洲最佳,呢场就要先问过C朗,作为欧联入球纪录保持者,C朗今季西甲虽然开局唔顺,不过无阻佢喺欧联继续当弗,近两仗都梅开二度,呢场将会拍住岩岩复出就有波入嘅宾施马领衔攻击线。
    两军防线都唔齐人
    「银河舰队」嘅两位热刺旧将本来可以齐齐倒戈,不过近排就同人唔同命,加里夫巴利早前同威尔斯喺世界盃外围赛被淘汰之馀,呢场小腿拉伤未好番冇份踢,相反中场莫迪历就成功带领克罗地亚晋级,嚟紧有望坐镇中路面对旧主。呢场热刺有后卫宾戴维斯打柴同中场迪利阿里停赛,而皇马就有后卫丹尼尔卡华积仲养紧伤要倦勤,可见两队呢场后防都唔算齐整,两边前锋随时乘虚而入,势将上演对攻大战,3.5球嘅入球大捧得过。