• 首页
  • 即时比分
  • 篮球NBA
  • 国际足球
  • 中国足球
  • 综合体育
  • 彩票中心
  • 赛事分析
  • 报纸波经
  • 世界杯
  • 球坛百科
  • 首页 > 报纸波经 > 太阳报 >

    阿根廷复仇「智」珠在握

    时间:2016-05-12 00:43来源:网络整理
    潘帕斯雄鹰精锐尽出 听朝举行嘅南美洲世盃外围赛,将会上演美洲国家盃决赛翻版戏码,由应届美洲盃盟主智利主场迎战亚军阿根廷。「潘帕斯雄鹰」喺今届世盃外头4仗,因为球王美斯缺阵只曾1胜,搞到球队喺南美洲区积分榜排第6,需要加紧抢分出线。而且阿根廷旧年喺美洲国家盃决赛不敌智利屈居亚军,令美斯继续背负「无冕球王」污名,如今美斯伤愈归来,为清算新仇旧恨激战可期,呢铺仲要撞正智利人脚不整,阿根廷让平半照撑2.04倍上盘。 (开赛时间:周五早上7:30) 阿根廷喺今届世盃外头4仗1胜2和1负,4仗全开入球细,很大程度跟美斯、阿古路多次缺阵有关。之不过今次就唔同讲法,皆因「潘帕斯雄鹰」今次点兵精锐尽出,除美斯外,一对箭头阿古路、希古恩、Fit爆天使迪马利亚等星级球员均有入选,就算中场柏斯托尼、马斯真兰奴今仗唔踢得,实力仍然有保证。 更何况班波上年饮恨美洲盃决赛,搞到美斯连续2年喺世盃、美洲盃冇得捧盃,呢铺仇人见面仲唔搏尽报番一箭之仇咩?咪忘记射手希古恩同翼锋迪马利亚呢排Fit到漏,前者喺意甲射入29球、后者喺欧联16强两斗车路士均交出助攻,协助球队淘汰对手。考虑埋「潘帕斯雄鹰」5日后先返主场斗弱旅玻利维亚,今仗实在毋须刻意留力,誓要全取3分。 智利状态走样阵容残 对手智利自从赢得美洲国家盃之后,表现未能保持强势,对上2仗外围赛分别主场打和哥伦比亚1:1,以及作客惨败乌拉圭0:3,演出可谓走晒样。更大镬係球队今场阵容严重不整,中场包尔斯亚、守将干沙路查拉落选,前锋伊度亚度华加斯、中场维达尔、佐治华维迪亚齐齐坐波监,3线都唔齐章,呢铺主帅比斯几难唔头痕。以班波近5次主场斗阿根廷有3次要食白果嘅情况嚟睇,呢铺想要抢番分真係谈何容易。