• 首页
  • 即时比分
  • 篮球NBA
  • 国际足球
  • 中国足球
  • 综合体育
  • 彩票中心
  • 赛事分析
  • 报纸波经
  • 世界杯
  • 球坛百科
  • 首页 > 报纸波经 > 太阳报 >

    广岛挞番着客W抵博

    时间:2016-05-12 00:47来源:网络整理
    日职今日都有场直播波,由新升班嘅大宫松鼠主场对广岛三箭,你咪睇广岛开咧咁耐踢到一噼嘢咁,今场佢哋个足智彩客W,前晚居然出现下调,嗰个1.8倍客胜认真抵博,都係惊嘅咪要广岛让平半个上盘囉,都有1.69倍。(有线61及201周日下午3:00直播)广岛今季头威头势,响日超盃赢咗大坂飞脚,畀咗人好大期望,点知跟手5场日职同亚冠盃都不胜,直至上周中至响亚冠主场数泰超队武里南联3蛋,3个几礼拜以嚟第一次赢波,究竟佢哋边度出咗问题呢?其实问题根源几似队中超班霸广州恒大─状态未起又冇乜运,事关广岛旧年12月都要踢世冠盃,令到季前备战时间缩短,班球员休息唔够,所以有些少谷极都唔上力嘅感觉。大宫战术单调易塞死不过,广岛班人质素始终喺度,阵容同上季比亦冇乜大变,佢哋响3场日职开唔到斋,关键就係前锋状态未起,例如上星期2:2打和湘南比马场波,广岛嘅射门係对手嘅4倍,多达21次咁得人惊,只要浅野拓磨、佐藤寿人、彼得乌达卡踢番出对武里南联嘅表现,应该有条件赢到大宫,足智彩个广岛客W前晚由1.82倍下调到1.8倍,绝对唔会冇原因。对手大宫刚啱相反,开咧连赢两场,到上星期作客大坂飞脚至输波,演出令人有啲惊喜。但係呢班波主要打稳守突击,而且靠晒塞尔维亚前锋美迪查搵食,条路比较容易畀广岛塞死,所以作客嘅广岛可以话坐和望赢,就算佐藤寿人左脚尾趾有伤,仲未知出唔出得,依然够晒本钱小胜对手。